Saari duniya ki khushiyan
nichhavar hain tumpar
saagar ki lehron si
lehraao tum mujhpar
poori hon tumse milkar
Umr bhar ki chaahtein
Saavan ki badri si
chhaa jaao tum mujhpar
Jeevan ke har dukh dard
pee loonga amrit jaise
amar bel baasanti si
lipat jaao tum mujhse
kaali raat bhi kat jaayegi
jab jaageinge dono milkar
Chaand ki chaandni si
bikhar jaao tum mujhpar
Jeevan ka yeh safar
suhaana hoga saath chalo
Nayya ki patvaar si
lag jaao tum mujhpar
No comments:
Post a Comment